صباح \مساء الخير ع الكـل...
ان شاء الله تعجبكم الحركات ^_^
في حركات نسويها في حياتنا اليوميه وأحنا ندري انها (غبيه) ومع ذلك نسويها... ليه؟؟
والله مدري!!
المهم ما بي أطول عليكم.. بتعرفونها الحين وكل واحد يقول وش الحركه اللي راكبه عليه!!
*ليه إذا كان الواحد يتابع شي يلعب بشعره
( يعني المتابعه شامبو )
* وليه الواحد إذا أنحرج يحك راسه
( يعني كذا صرفها)
* وليه الواحد إذا كان يفكر يناظر فوق
( يعني بيلقى الإجابة مكتوبة على السقف )
* وليه الواحد إذا كانت القناة توشوش يضرب التلفزيون
( يعني على باله إذا ضربه يعقل ويصفي )
* وليه الواحد إذا كان يكلم يلعب بسلك التلفون
( يعني مسوي هو اللي يدف الكلام عشان يوصل )
* وليه الواحد إذا بغى يولع الزقارة يغطي الولاعة بيده مع أنه ما فيه هواء
( يعني يحسب النار بيطلع فيها رصيدة )
* وليه الواحد إذا بغى يفتح باب أي محل ولقاه مقفل يلصق خشته بالباب وقام يطالع
( يعني يتوقع يلقى واحد داخل يمد له لسانه )
* ليه اذا كانت بطارية الريموت كنترول ضعيفه نضغط بقوه على الأزرار ؟
( يعني يدك بتشحن البطاريه )
*ليه نقصر على صوت المسجل أو الراديو في السيارة اذا ضيعنا الطريق؟
( يعني كذا راح يعرف الطريق )
*ليه اذا شفنا على الجدار: احترس من الدهان؟...
( ما نصدق ونجرب بأصابعنا.. يعني لازم يحلفون )
*ليه اذا تأخر المصعد نضغط على الزر مية مرة ؟
( يعني كذا بيحس على دمه وبيفتح )
* ليه اذا نشرب البيبسي ونخلصه نهز العلبه؟
( يعني متحسفين على اللي بقى )
* ليه اذا نكون قاعدين بمكان عام ونسمع رنة مسج ولارنة موبايل على طول نشوف موبايلنا ؟؟
( ليه حضرتك مهم لهالدرجه علشان يرن بين هالبشر كلها!! )
* ليه اذا لعبنا بلاي ستيشن (لعبة سيارات) نلف مع السيارة اذا تحرك يمين ويسار؟
( الاخ على باله هو السيارة )
* وليه إذا جينا نشكر واحد على موضوع حطه بالمنتدى نمد الحروف ونكتب مشكوووووور
( يكون شكرناه من القلب يعني ؟ )
اتمنى ان تكون هذه الحركات (اللا شعورية) قد نالت اعجابكم
ارق التحايا...
م // ن
موضوع: حركات لااراديهـ 
السبت مايو 16, 2009 2:22 pm
